gi make angin

pete semale di riyadh, male di dhahran, pagi ni di doha. kuat sungguh jjale wehh. kebetule sain2 kijo sekali denge ambo jadi buje sementaro loni. semo pakat tinggal famili masing2 di mesia.
jadi untuk mengisi maso lape buat pakate la denge pok2 buje ni untuk gi jale-jale di qatar. yo la walapun ambo dh 4 tahun lebih dok sini tok pernoh lagi jejok kaki di qatar. sibuk denge kijo so karo pah denge anok2 kecik nih lakoh pun pendek la sikit.
loni bilo jadi buje sementaro sene la sikit nok planningnyo.
ttolak dari riyadh pukul 6 pete lagi. pah singgoh pulok di aramco dhahran atas memenuhi jempute saudaro azli kito. nok jamu nasik kato dio. pok2 buje ni apolagi make punyo pasal tok tolak doh hehheeh.
sapa rumoh azli pun doh dekat pukul 10 male. bele2 make bele2 bbual. pah saudaro abu bakar ore lamo kito nok jupo pulok. dio pun tok lamo lagi nok gi ko ethiopia pulok ado offer kijo alah kok nu pahni. jjupo siap2 takut pahni xdok pelue doh nok jjupo dio.

dugoan

hidup atah dunio ni mace2 segalo jenis dugoan nge cabare hok maghi. sebab tu ado oghe ghoyak ko ambo, dale kijo gxxxx ni kalu nok survive keno tahu salah satu dari duo kkaro ni. hok pertamo keno tahu buat kijo dan yang keduo keno tahu kecek (kipas la tu). sekalo hok tahu kecek nih walaupun dok gheti go sekaro bulih jah hidup pah hok tok tehenyo dio lagi cepat naik pangkat ko naik gaji.
pah guano bulih jadi lagutu? sebabnyo ambo raso ore2 hok dok atas tu pun supo tulo jugok. demo pun bulih naik jaso lagutu jugok.
tu la kade2 ramai hok lupo, kijo tu adalah amanah, rezeki hok kito bulih tu hok tu la hok kito bui ko anok bini kito make.
ramai oghe bilo anok2 doh besar dan dok melawe sokmo asyik nok salohke keadae. demo lupo gapo hok demo bui make ko anok2 demo, daghi mano maghinyo, halalko?berkatko? hok tu ramai hok lupo atau buat2 lupo.

wimax

payohnyola nok buat kijo kalu takdok line intenet di rumoh nih. dulu ambo pakai broadband dari satu company ni, tapi tokleh gi mano asyik putuh sokmo. 5 g demo cah 200,mahal gilo. kalu pakai 3 jam saghi seminggu habih la limit dio. pahtu ado sekali tu ambo nok renew staf dio boleh tersilap buat, dio buat untuk topup prepaid biaso. ambo hok tak tahu kesilape dio tuh pakai la supo sekalo, tok sapa 5 minit over limit doh. bilo gi komplen biaso la dok kat arab ni nyo sughuh gi situ la sini la. last2 ambo fedup biar kiro 'burn' gitu la. buat letih jah nok gi maghi.

pah semale ambo try bendo baghu pulok. wimax namo dio 3 bule 700 untuk speed 2 mbps. campur denge setup fee melaye la dekat2 seribu pitih ambo. takpo tengok dulu setaro mano. tapi setakat hok ambo pakai dari semale bereh lagi. speed pun kiro bagus la takdok sakok2.

apo2hal nok mmudoh kijo ambo jugok. tok cekak jugok kalu time hujung2 minggu nok keno gi opis kalu ado bendo2 emel urgent. kure2 kalu ambo nok cek emel ko, nok balah emel ko hq mudoh la sikit.

anok

peje celik peje celik doh masuk tigo anok ambo. semo tino, takpo rezeki belako hok Allah bagi. anok tu adalah amanah. kalu kito belaku zalim atau abaike tanggungjawab kito kepado anok-anok kito mako kito termasuk dale golonge hok tok amanah.
loni anok-anok ambo ado kkampung rumoh tok beloh ibu dio. sunyi wehh anok takdok sekali nih tapi dohtu nok wat gano. doh kito keno hanta bertugah jauh beribu batu. itulah namo satu pengorbane. buke apo untuk pok2 dio jugok bilo besa seksok. biaso dulu kalu kelik kijo penat2 pun bilo tengok anok2 dok main sejukkk raso, hile habih hok raso penat tadi. tapi loni kelik dumoh dok kelip pah kelip pah tengok dinding la.
tengok ko tedy bear tingat belako-lako.
kade2 kalu ambo tepon ko ore rumoh ambo, anok sulong ambo tanyo bilo baba nok balik? pilu jah raso. rasonyo lagutu la mok denge ayoh ambo raso maso ambo masuk sekoloh asrama ko, pahtu bilo masuk u ko pah loni bilo kijo obersea pulok.
sebab tu ado ore tuo kato kito ni belaja jadi anok bilo doh ado anok sendiri.

mace-mace

loni kalu bukok sakkobar jah mace-mace cerito ado. hok terbaghu pasa kes ore hok keno siasat mati jatuh bangune. pah bilo jadi laguni jah ghama la hok nok ambik kesempate pakat dok pakoh sprm. bilo denga pok dio jawab saksi tok keno kawal ketat supo saspek yo lo jugok. tapi doh bendo nok berlaku time tu jadi keno la menjawab panje lebar pok2 sprmnyo.
mace ambo dok sokong mano2, tapi hok ambo peliknyo bakpo ghama pakat dok nyalohke sprm denge polis. pah tu siap sughuh buat 'suruhanjaya' lah gapo untuk siasat.
sapa lagutu sekali ko demo2 dok cayo ko polis buat kijo? kalu lagutu la caghonyo parok bena napoknyo.
tu ore tuo kito kato jange kerano marohke nyamuk habis kelambu dibaka. kalu yolo pun demo2 dok cayo ko kerajae jange la sapa habis ko polis2 ngn anok beranok dio demo dok cayo. pah kalu ado gapo2 kena samun ko, keno tipu ko pok ite ko sapa habih tanoh demo, ko kawe tu jugok demo gi ngadunyo pahni.
baghuni maso nok buat post-mortem demo2 siap nok pangge pakar dari obersea. hebat bena kot ore2 dari luar nih ataupun yang tersiratnyo, pakar2 kito sendiri nih tok leh nok paka mano la kot kalu tengok ko caro hok demo2 tu haritu.
ni pasa nok tuboh suruhanjayo la gapo la, demo2 tu agok2 maghi mano pitih nok biayo bendo2 alah lagutu? jatuh dari langit ko? raso2 ambo la pitih kito hok dok baya cukai ni jugok hok ake digunoke nanti.
tapi kalu la hok mati tu melayu, ambo raso takdok sapo2 nok cagho mano sapa pecoh tanoh la kot? wallahuaalam.

letihhh...

letiihh... tu la letih dok tunggu buoh hok tok gugur nih....kato oghe kito tunggu pah ceghoh. lamo bena doh amdo dok di negaro arab yg satu nih. puah cemuh doh kato demo. kijo pulok main lamo makin banyok...tapi tu la namo pun kijo kalu tokse buat bo la kijonyo begheti2 la tok ke nok make gaji buto jah. kijo tu adalah satu amanah. kalu pehe buoh tu xpo la. kijo2 nih kato oghe kena redho jugok klu tok redho hok tu hok jadi ssumbat tu.
kijo denge oghe nih baso dio doh nyo ado time molek de ado hok tok belago nyo, tapi doh tu nok buat gano. tu ado sain ambo si yop kato kijo denge lembu kambing lagi mudoh dagho dok melaye kerenoh oghe nih.
Allah buat manusio nih mace rage mece peel. kalu semo seghupo tok jadi kijo jugok. kalu semo nok jadi dokto pah sapo pulok nok jadi tuke ghumoh ko mekanik ko. sapo nok tane padi, sapo pulok nok gi igak ike.
tu nabi kato kalu kito mmudohke uruse oghe time kito susoh insyallah tuhan ake mmudohke urusan kito pulok, kalu kito sengajo mmayohke uruse anok adam hok lain kena time kito terdesok baghu kito tahu lagumano.

banyoknyo kijo

sakit palo ambo harini....kijo doh la banyok pah mace2 hal pulok maghi...takpo sabar kato ore tuo kito, lepas gelap maghi la ceghoh kato demo....yo tok yo jugok tok ke la gelap sokmo dok gitu...