cuti rayo

lamo doh ambo tok kelik sambut rayo denge ore tuo ambi nih. sejok keno hata kijo obersea ni meme x dok pelue nok kelik. ingat2 ambo doh 4 tahun. tapi takpola ambo redho sebab tugas. sapo suruh pilih kijo laguni heheehe. tapi tahun ni gano-gano pun ambo nok kelik jugok. buke apo, doh la anok bini semo dok malaya, tokke la ambo nok sambut rayo sore-sore sini wehh....ni anok kawe hok baru lahir pun ambo tok kelih lagi. sakak kelih dale gamba mano rok wehh. anok no1 denge no2 pun dok nnanyo sokmo bilo baba nok kelik. sadis jugok ambo denga. budok2 tengoh nok besa biasola tapi keno pehe, kalu dio kelih budok2 lain ado ayoh nok mmanjo, mesti kecik ati jugok demo tu kalu baba dio x dok.
cuti ambo mitok lamo doh, tapi pah ke lo ni demo tok lulus lagi. sebab gapo ambo pun tok tahu. sakak mano bulih saba ambo saba la. tapi sapa bilo?
ambo percayo atas dunio ni ado karma. buke ambo reko, dale quran ado sebut bendo nih. kalu kito buat aniyao ko anok adam balase tu kito ake terimo atah dunio lagi. kalu tok keno ko kito mungkin keno ko anok-anok kito atau mok ayoh kito. mitok jauh la weh. pah so lagi nabi ado sebut, kalu kito mmudohke uruse anok adam yang lain, insyaallah maso kito terdesok Allah ake mmudohke jugok uruse kito.
mungkin sepanje ambo kijo ado bendo2 hok ambo tok perase atau tok sengajo buat, mungkin sebab tu bilo time ambo nok mitok cuti payoh bena demo nok lulusnyo. wallahuaalam. apo2hal pun keno ingat buat baik dibalas baik....