habih gulo...

loni isu baru...gulo habih....
guano bulih jadi lagutu? agok2 saloh sapo? kementerie perdagange ko? atau pengeluar?atau pemborong? atau peniago runcit? payoh nok kato.....ko masing2 ado ggie belako? wallahuaalam....
pah bilo jadi lagutu pakat dok main tuduh menuduh la. denga cerito banyok keno seludup. sain kawe hok kijo penguatkuaso habih keno keroh kijo hujung2 minggu laguni. isu lagu ni boleh kato tiap2 kali maghi musim rayo timbul. ni sebab nok masuk bule poso pah sambung pulok denge rayo poso pahni.
hok kawe peliknyo...kerajae takdok ko sistem log kawale? namo pun bare kawale. dari situ baru bulih kelih mano perjalane gulo2 tu belako. sebagai contoh, kile pengeluar keluarke gulo. peraih atau pemborong gi ambik dari kile. pemborong gi jual ko kedai2 runcit. peniago kecil dan ore awam gi beli dari kedai runcit. kalu nok ikut patut semua bendo tu buleh di semok dari invois dan rekod transaksi.
pah bilo jadi laguni kawe raso kerajae keno keluarkan arahan catuan. untuk barang-barang kawale, hanyo penduduk tempate jah bulih beli. pah untuk peniago kecil ko gapo bulihla kuota lebih sikit.
tapi klu tengok ko nilai rampase ado 10 tan, 20 tan sekali operasi. kalu kelih dari situ, tak logik penyeludup2 ni nok gi beli gulo sekilo duo dari kedai2 runcit untuk kumpul dale maso singkat. ambo raso mesti demo bulih dari pemborong sebab pemborong jah ado kapasiti untuk ambik bekale dalam kuantiti besar. kalu dok pun dari kile terus, kebarangkalie tu ado. ambo dok tuduh cumo sebagai perkaro hok perlu diberi perhatie.
apo2hal harap2 kerajae tahu caro nok banteras isu2 laguni ni dari timbul balik kemudie hari. jange dok buat alase samo sokmo bilo terjadi pulok bilo2.