pilihe rayo kecil lagi

sejok duo menjok ni kerap bena ado pilihe rayo kecik. mace hok terbaru ni sebab adun lamo meninggal dunio. al-fatihah. kalu mace kes lagu ni kiro justify la kalu keno buat pilihanrayo balik.
kalu supo 2,3 kes sebelum ni prk terpakso dibuat sebab alase adun atau mp letok jawate. tok ngapuh bena bunyinyo dok gitu. belanjo untuk buat prk ni bukenyo kecik. pah pengundi2 di kawase terlibat keno mengundi sekali lagi. kalu dok situ takpola. keno kalu pengundi tu duduk jauh atas sebab kijo ko belajar ko......payoh jugok jadinyo.
bagi adun atau mp laguni, napok supo demo nok main2 pulok denge rakyat. pendek cerito, kalu raso tok mampu nok pege jawate ataupun bekerjo untuk rakyat yang telah bersusoh payoh undi demo, jange jadi calon awal2 lagi. ni nyusohko ore belako, bbazir pitih rakyat jugok bilo prk keno dibuat semulo sebab demo tu doh tok sir jadi wakil lagi.
apo2hal pun yang jadi mangsa rakyat la jugok. tok pasal2 keno mengundi 2,3 kali dale maso yang singkat. pah bagi parti2 yang jadi platform untuk demo tu bertanding, mekanisme gapo hok demo guno untuk pilih calon?
ni dulu ado bilo adun keno siasat sebab terimo rasuah seks bolehnyo jawab, dio anggap sebagai sedekoh. bodonyo bunyi. nok mutoh ambo dengar. mungkin doh takdok calon lain kot. kalu ni la kualiti calon2 yang dipilih untuk jadi wakil rakyat, apo sudoh jadi? mungkin parti2 terlibat tu pun tak dok kualiti jugok.
ambo royak ni secaro general, tok tuju mano2, cumo kalu bulih, pilihla calon hok berkualiti, takdok skandal, hok betul2 bulih buat kijo. jange anggap rakyat atau pengundi ni bodo. bilo rakyat bagi pelue ko demo jadi wakil, gunolah pelue yang ado sebaik2nyo. sekali duo bulihla mene, tapi tok mungkin untuk kali ketigo atau keempat.