demo jalane

haru bighu, huru haro, mace2 di mesia tanoh tupoh daghoh ambo loni. takdok kijo bedooh doh ko sesetengoh puok2 tertentu di mesia loni. kalu yolo pun ado bendo2 hok demo2 tok puah hati boleh selesai ko denge buat demo jalane tu?
nok kato bodo, ngaji sekoloh tinggi belako-lako. luluh pah ko unibasiti kato ore tuo kito. tapi bakpo la nyo gi buat kijo lagu tu? dok pehe ambo.
ambo ni ngaji tok la tinggi mano tapi kure2nyo ambo tahu jugok hok mano molek hok mano buruknyo.
rakyat doh bagi pelue ko demo2 tu maso piliherayo. ado hok mene parlimen ado jugok hok mene dun. gunola salure hok ado tu sebaik-baiknyo. jange gi berside sebab nok claim elaun jah ataupun sekadar untuk tunjuk muko dale tv konon2nyo demo berjue mati-matie untuk perjue/ belo nasib rakyat. jange jugok maso gi sidang parlimen ko dun tu gi dok bbaloh pasal ayam itik atau lembu kambing demo. tunjuk mentaliti sebagai wakil rakyat hok sebenar. hok ngaji sekolah, hok berilmu dan yang penting hok ikhlas jadi calon sebab nok tulong rakyat jelato.
ni bilo demo inteperet raso tok puah hati demo atah jale, gapo hasil hok bulihnyo? kalu demo tu nokke perhatie media local denge internasional, ambo akui meme berjayo besa puok2 ni.
tapi ado kesan lain hok demo2 tu buat2 tok napok atau sengajo tok sir ambik tahu. tindake hok demo buat tu ake bagi kesan ko ekonomi kito. pelabur2 asing jadi takut nok melabur sebab takdok kesetabile politik. pelancong2 takut nok maghi melancong di mesia sebab bimbangke keselamate diri masing2. peniago2 kecil kito pun rugi jugok. ado hok pecoh alat2 nok buat nego, bekas2 air, bekas2 makane, bare2 nego pun habih rosak. pahtu ore2 awam pun hok tok tahu gapo sekaro turut tersepit antara penunjuk perasae denge polis. ssie ambo kelih ko ore2 tuo, anok2 kecik, ore tino mengandung hok tersangkut tengah2 tu. kalu keno ko ore tuo ambo ko, anok2 ambo ko hok tersangkut lagutu sebab gara2 demonstrasi jalane tu, raso2 nok jah ambo gi tampar sapo hok jadi penganjur tu. kijo bodo nyusohke ore jah.
pah hok mano terlibat tu ambo no tanyo jugok berapo sore bulih demo tu bayar sughuh gi buat demonstrasi? kalu ambo jadi pok2 demo, ambo gi mitok denge penganjur tu bulih ssamah duo, dok gitu? nih kalu dok, apo kijo jjale berbatu-batu tengoh2 panah pah campur keno supoh seranoh ko ore ramai lagi hok mano dok kene denge caro hok demo buat tu, dok gitu. ambo raso sapo2 hok jadi ppalo tu mesti tebal poket masing2 dapat upoh dari puok2 tertentu hok nok gugat kesetabile dan keamane tanoh air kito.
nasihat ambo, bangun la dari tido weii, bo la jadi pok pandir atau talibarut anasir2 luar. hok atah2 tu kecek berapi-api takpola poket tebal doh. tok gi masuk kijo pun pitih banyok doh. pah puok2 demo hok bowoh2 nih lagumano? pitih nok bayar sewo rumoh atau nok beli susu lampin anok ado doh ko?