lain sikit napok tajuk blog ambo harini. buke apo, ni pasal komen dari ustaz ridhuan tee. kerano komen tu ado la pihok2 tertentu pakat dok hentam dio. konon2nyo tok setuju denge pendapat yang dio bagi.
bakpo demo nok maroh ko dio? betul apo gapo hok dio sebut pasal kes yang berlaku tu. adokah sebab komen yang dio buat tu memihak kepado ore melayu? pah lagumano parti2 tertentu hok kato nok perjuang malaysian malaysia ataupun 1malaysia kalu komen laguni pun demo tokleh terimo? kecek sajo ko? ko demo ingat ore lain ni buto tuli bodo belako?
bagi ambo, ambo tabik ko ustaz ridhuan tee atas keberanian dio buat komen lagutu hok ambo raso ado ore2 melayu tertentu pun tok berani nok kato atas sebab2 iedologi perjuange hok bagi demo2 tu kononnyo murni dan untuk rakyat semato-mato. geli ambo nok pikir ko golonge2 laguni. kato ore cakap tok serupo bikin. alah ko ore lain salah belako, demo jah betul, bilo buat silap tokse ngaku....
denga cerito blog hok dok hentam ustaz ridhuan tu doh keno tutup doh. bagusla, kalu dibiarke bulih menggugat ketenterame awam pulok. ore kato api ni maso kecik lagi keno kawal, jange dibiarke merebok. koho besar seksok doh tokleh nok kawal, huru haro pulok.
sebab tu akal hok Allah bui ko kito ni, gunoke la denge sebaik2nyo dan dijale yang molek. kalu hidup dale suasano ame damai kan bagus. takdok demo jalane, takdok rusuhe, takdok huru haro. nok nego ko, nok jjale hujung minggu ko, nok melancong ko, nok belajar ko semo takdok masaaloh.
kalu kaum masing2 tahu sempade, batas dan had masing2 kan bagus. takdok la nok dengki mendengki, tuduh menuduh gapo semo. masig2 tahu gapo hok sensitif, gapo hok tokleh nok sebut, gapo hok jange disentuh dan lain2 lagi.
tapi sebenarnyo hok lagutu tok ramai. ado 2,3 kerat jah. hok lain ambo raso cintokan keamane belako. patut ore2 laguni hok suko dok buat kacau ni kito pakat tambat dale hute belako. dok la dale tu saing denge rimau gajoh belako. hok tu la samo taraf dan serupo denge perangai demo2 tu.
No comments:
Post a Comment